Năr 22/9, Hnam pơgang apŭng Krông Pa, dêh char Gia Lai tơbăt găh mĭnh ‘nu bơngai lôch kơ yuơ jĭ kŏ vơnh ‘nŏh mon Ksor Kiêm (8 sơnăm, bơngai Jrai, oei tơ̆ pơlei Chư Krih, tơring Chư Drăng, apŭng Krông Pa).

Ŭnh hnam nhap mon Kiêm tơbăt, kơ yuơ ưh kơ băt kŏ kăp mon đơ̆ng dang yơ kơna ưh kơ năm ƀet pơgang vaccine tang găn jĭ kŏ vơnh. Mưh mon Kiêm chĕp pơgrŭn, rơmơ̆n rơmok ‘nŏh ŭnh hnam răt pơgang huch mă lei ưh kơ kĕ klăih. Truh năr 12/9, ŭnh hnam chơ ba năm tơ̆ hnam pơgang apŭng Krông Pa hăm ƀôh jĭ ‘noh chĕp pơgrŭn, hiĕn, rơmơ̆n rơmok. Truh gơmăng năr ‘nŏh, mon jĭ roi ăl đei chơ ba ming hơmet tơ̆ hnam pơgang Sản Nhi dêh char Phú Yên păng đei khăm lăng hơlen jĭ kŏ vơnh. Năr 15/9, mon Kiêm đei chơ ba tơ̆ Hnam pơgang Nhi đồng 2, pơlei tơm Hồ Chí Minh lơ̆m mă mon đĭ jĭ ăl. Hlŏh đơ̆ng khăm hơlen ‘nŏh đei ƀôh sơmach jĭ kŏ vơnh păng truh năr 20/9, mon Kiêm kơtĕch jơhngơ̆m. Đơ̆ng blŭng sơnăm truh dang ei, Gia Lai đei 11 ‘nu bơngai lôch kơ yuơ jĭ kŏ vơnh, lơ hlŏh lơ̆m tơring Tây Nguyên.