Anih jang vei lăng găh jang pơgang Gia Lai pơtho tơtă kơ kon pơlei pơm kiơ̆ dôm trong tang găn, mă loi ‘noh jĭ hăm hơioh iĕ lơ̆m hnam trưng hŏk, vă tơgop pơm dă ƀiơ̆ kơ tơpoh. Lơ̆m dang hloh 1 khei kơ âu, dôm hnam pơgang dêh char tơ̆ Gia Lai hlôi đei hloh 3000 ‘nu jĭ măt ƀrê. Lơ̆m noh, 1 puăt đei khăm păng hơmet tơ̆ dôm hnam pơgang chuyên khoa tơ̆ pơlei tơm Plei Ku.
Jô̆ păh lăp 1 năr,1 hnam pơgang sơng iŏk, hơmet dang 50 ‘nu jĭ măt ƀrê, đei năr hloh 100 ‘nu. vă vei lăng đei yua jĭ măt ƀrê, Anih vei lăng tơdrong jĭ jăn dêh char (CDC) Gia Lai hlôi đei hla ar gơih truh rim anih jang pơgang 17 apŭng, thị xã, pơlei tơm. Kiơ̆ kơ ‘noh, athei dôm anih jang pơgang hơtŏk loi dơ̆ng tơroi tơbăt, dăr lăng, chă ƀôh hrôih păng hơmet pơ ‘lơ̆ng tơtom dôm hơnih đei jĭ măt ƀrê lơ̆m tơring.
Viết bình luận