Lơ̆m 2 năr, hlôi đei hloh 200 'nu hơ-ioh hơven hơvo đei tơdrong hơrih tơnap tap păng bơngai hơven hơvo lơ̆m unh hnam hin dơnuh, tơjê̆ hin dơnuh, tơring kon pơlei kon kông đei khăm hơlen păng băt hơven hơvo. Đe oh ƀơm hơven jơ̆ng, kơyuơ đơ̆ng pơlŏ tô̆ rơvĕt, ƀơm pơtŏk, vĕ kơting kơdŭ...păng dôm tơdrong hơven hơvo nai kơyuơ đơ̆ng jĭ 'ngok âu to. Đơ̆ng rŏng khăm, dôm bơngai đei tơchơ̆t păh hơmet păng gô đei păh, hơmet kiơ̆ vâ̆t lĭ trĭ liê̆u tơ̆ Hnam pơgang Hơmet Pơ 'lơ̆ng hơkâu jăn Quy Nhơn, dêh char Bình Định. Lơ̆m tơdrong hơmet, bơngai jĭ đei Hnam pơgang tơgŭm jên păh hơmet jĭ păng tơmam drăm hơmet pơ 'lơ̆ng hơkâu jăn.