Lơ̆m dôm năr kơ âu, đe ƀak sih hlôi khăm hơlen, tơgŭm ăn jê̆ 400 'nu hơ-ioh tơ̆ Gia Lai mă ƀôh nhen jĭ plei nuih noh: hơnơ̆ng hiĕn, hơnơ̆ng dui jơhngơ̆m kher, dui jơhngơ̆m renh, ăh kơtơh tơhlŭt ƀơ̆t dui jơhngơ̆m, tơxoh pơ-'ngeh, đuh dăng hơlŏng, hơ-ioh ƀơm jĭ plei nuih đơ̆ng nge tam mă đei khăm hơlen. Hăm đe hơ-ioh hlôi đei păh hơmet noh krao năm khăm hơlen jơhngơ̆m jăn. Kơchĕng, truh đĭ năr 12/5, đe ƀak sih gô khăm hơlen ăn pơhlom 1000 'nu hơ-ioh lơ̆m jâ̆p dêh char. Đơ̆ng rŏng kơ đe oh đei khăm hơlen păng đei tơchơ̆t păh hơmet, gô đei tơgŭm jên păh hơmet kiơ̆ tơchơ̆t tơlĕch.