Gia Lai: pơlŏ lĕch đe oei pơrăm kơtang, 1 ‘nu bơngai lôch
Thứ ba, 14:17, 19/09/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Kiơ̆ đơ̆ng Hơnih Dăr lăng hơlen jĭ jăn dêh char Gia Lai, đơ̆ng blŭng sơnăm au truh dang ei,lơ̆m dêh char đei 3.160 ‘nu bơngai jĭ pơlŏ lĕch đe, lơ̆m au đei 1 ‘nu bơngai lôch.
Măt bơngai jĭ lôch kơ yuơ pơlŏ lĕch đe pơm ăn au ‘noh bơngai drŏ kăn (rơneh sơnăm 1981) oei tơ̆ thôn Hoà Bình, tơring Bàu Cạn, apŭng Chư̆ Prông, dêh char Gia Lai.
Bơngai jĭ lôch đei khăm hơlen kơ yuơ đơ̆ng pơlŏ lĕch đe/Dengue jĭ ăl pơm ăn. Hơnih Dăr lăng hơlen jĭ jăn dêh char Gia Lai hlôi iŏk pham bơngai jĭ pơtruh ăn Hơnih khăm hơlen pơrang jĭ Tây Nguyên chă khăm lăng hơlen. Pơtôch khăm hơlen, bơngai jĭ au đei sơmach jĭ Dengue I. Hơnih bơ̆ jang pơgang apŭng Chư̆ Prông păng tơring Bàu Cạn hlôi iung jang hơdoi pruih pơgang tơ̆ thôn Hòa Bình păng tơlĕch jang rim trong jang tang găn jĭ pơlŏ lĕch đe kiơ̆ tơdrong tơchơ̆t.
Viết bình luận