Kiơ̆ kơ Anih vei lăng tơdrong jĭ jăn dêh char Gia Lai, đơ̆ng blŭng sơnăm truh dang ei, lơ̆m dêh char hlôi đei hloh 1.400 ‘nu jĭ pơ lŏ lĕch đe hăm 507 hơnih jĭ. Dôm bơngai jĭ pơlŏ lĕch đe tŏk lơ đơ̆ng khei 5 păng pơdui đunh truh dang ei yua kơ lơ̆m pơyan ‘mi ‘noh jĭ tơdrong hiôk ăn kơ mur chek lar, tih vơ̆. Dang ei dêh char oei dang 80 hơnih jĭ pơlŏ lĕch đe tam mă  đei tang găn đĭ. Hrei ‘nâu, Anih vei lăng tơdrong jĭ jăn dêh char Gia Lai hlôi pơjing khŭl bơ̆jang hơdai hăm dôm apŭng pơgơ̆r jang kơ tang tơdrong jang tang găn jĭ pơlŏ lĕch đe.

Jang hơdai hăm dôm apŭng athei pơtho kon pơlei, mă loi ‘noh jĭ dôm xăh đei hơnih jĭ lơ  chă hơmet pơ ‘lơ̆ng cham char nhen tuh dôm kơ loăi get chai đak tơ̆ng, pơm rơgoh cham char. Jang hơdai hăm anih jang pơgang apŭng pơgơ̆r tơlĕch jang hơmet pơ ‘lơ̆ng dôm anih đei jĭ, ưh kơ lê̆ jĭ tŏk hrĕnh.