Kon Tum: Đei jê̆ 1.300 'nu bơngai jang pơgang đei hơmet sa jên kiơ̆ tơdrong pơm jang
Thứ ba, 13:48, 18/07/2023
VOVTayNguyen/Lan tơblơ\
VOVTayNguyen/Lan tơblơ\
VOV4.Bahnar – Pơm kiơ̆ Tơchơ̆t kơsô̆ 05 sơnăm 2023 đơ̆ng Jơnŭm pơgơ̆r teh đak, dêh char Kon Tum đei 1.296 'nu jang pơgang tơ̆ tơring đei hơmet sa jên kiơ̆ tơdrong pơm jang đơ̆ng 40-70% tŏk đei 100%. Khei năr gơh sa jên jang đơ̆ng năr 1/1/2022 truh 31/12/2023 hăm jên tơlĕch tơchơ̆t 'noh hloh 68 ti hlj.
Ƀak si Võ Văn Thanh, Kơdră Anih jang pơgang hơlen hơmet jĭ jăn dêh char Kon Tum ăn tơbăt, Anih jang adoi pơtruh nơ̆r gah tơdrong asong 270 'nu jang vang tơgŭm jang gah kơsô̆ măt bơngai – pơkăp rơneh hơ-ioh lơ̆m unh hnam, pơm jang tơ̆ apŭng, săh păng bơngai jang tơroi tơbăt pơtho gah jơhngơ̆m jăn tơ̆ Anih jang Hơlen pơrang hơmet jĭ jăn đei hơtŏk sa jên kiơ̆ tơdrong pơm jang, kơlih dôm bơngai jang âu pơm jang gah tang găn păng bơ̆ng pơrang jĭ COVID-19 adoi đei akŏm pơm jang nhen lĕ dôm bơngai jang pơgang hơmet jĭ jăn tơ̆ tơring.
Khei năr gơh sa jên jang đơ̆ng năr 1/1/2022 truh 31/12/2023 hăm jên tơlĕch tơchơ̆t 'noh hloh 68 ti hlj.
.
Viết bình luận