Ƀak si Nguyễn Hữu Thâm, Kơdră hơnih bơ̆ jang tơm kơ Hnam pơgang măt Kon Tum tơbăt, đơ̆ng blŭng khei 9 truh dang ei, jô̆ hơtŏ lơ̆m 1 năr đei 20 ‘nu bơngai jĭ măt năm khăm, ming hơmet tơ̆ hnam pơgang găh lơ bơngai jĭ ‘noh bơngai hơ iŏh hŏk tro.

ơ̆ nơ̆r pơkă đơ̆ng hơnih jang vei lăng tơdrong jang pơgang, vă tang găn jĭ măt dăh chă ôp ti hăm đak xaƀŏng; ‘nĕ iŏk ti chă pel tơ̆ ƀơ̆r, tơ̆ măt, tơ̆ muh; ‘nĕ iŏk yua hơdoi tơmam drăm, rim năr chă ôp muh măt hăm đak pơgang păng rim pơgang kơtoh tơ̆ măt, kơtoh tơ̆ trôm muh; iŏk yua xa-ƀŏng dăh mă đak pơgang ôp pơ ‘lơ̆ng dôm tơmam drăm kơ bơngai jĭ; ‘nĕ gan tơƀơ̆p oei tơjê̆ hăm bơngai jĭ dăh mă đei jau jĭ măt.