Kiơ̆ kơsô̆ chih hơlen đơ̆ng Anih jang Hơlen hơmet pơrang Jĭ jăn dêh char Đăk Lăk, đơ̆ng blŭng sơnăm truh dang ei, jâ̆p dêh char đei jê̆ 1000 'nu bơngai ƀơm pơlŏ tŏ lĕch đe, lơ̆m noh đei 1 'nu lôch hơchăng.
Kơsô̆ bơngai ƀơm pơlŏ tŏ lĕch đe đơ̆ng blŭng khei 7 truh dang ei noh jê̆ 500 'nu, hơtŏ hăm kơsô̆ bơngai ƀơm jĭ lơ̆m tơring kơ 6 khei blŭng sơnăm. Lơ̆m kơsô̆ noh, đei lơ bơngai jĭ ƀĭch hnam pơgang ah jĭ hlôi tŏk hlăm. Pêng tơring đei lơ bơngai ƀơm pơlŏ tŏ lĕch đe noh apŭng Ea H’Leo, apŭng Ea Kar păng pơlei tơm Buôn Ma Thuột. Ƀok Hoàng Hải Phúc, Phŏ Kơdră pơgơ̆r Anih jang Hơlen hơmet pơrang jĭ jăn dêh char Đăk Lăk ăn tơbăt, tơdrong tơm pơm hơtŏk pơlŏ tŏ lĕch đe lơ̆m tơring 'noh kơyuơ kon pơlei oei pơhơi lơ̆m tơdrong bơ̆ng jĭ. Ah ƀơm jĭ noh kơdih răt pơgang huch hơmet jĭ tơ̆ hnam, pơm ăn kơ jĭ roi kơdêh hloh, phŏ pơm ăn lôch răm hloi.
Viết bình luận