Pơma đam pơjing păng hơtŏk ‘long pơm pơgang pơtăm tơ̆ tơring kon kông
Thứ năm, 15:21, 30/11/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Lơ̆m 3 năr, đơ̆ng năr 29/11 truh năr 1/12, tơ̆ apŭng Đak Glong, dêh char Đak Nông, Anih jang Tơroi tơbăt Pơtho gah jơhngơ̆m jăn pran Trung ương jang atŭm hăm Anih Vei lăng pơgang hla ‘long (Anih tơm jang pơgang Hơmet jĭ jăn) pơgơ̆r Pơma đam tơroi gah tơdrong hlôh vao tơroi tơbăt pơjing păng hơtŏk ‘long pơm pơgang đei pơtăm kiơ̆ kơjă, tơring pơtăm ‘long pơgang, hơvơn asong jang pơtăm tơ̆ tơring kon pơlei kon kông păng groi kông.
Tơ̆ pơma đam, rim bơngai tang măt hlôi tơmơ̆ng dôm bơngai juăt jang tơroi gah sơnong, kơjă kơ pơjing păng hơtŏk kiơ̆ kơjă, tơring pơtăm ‘long pơm pơgang truh tơdrong hơtŏk hơtŏk mŭk drăm – tơpôl kơ apŭng Đak Glong;
Sơkơ̆t trong jang hơtŏk ‘long pơgang kiơ̆ kơjă tơ̆ apŭng Đak Glong; tơdrong pơyua lơ̆m chă tơguăt khăm hơmet jĭ hăm trong y hŏk cổ truyền hăm y hŏk ‘nao gơh hơgei lơ̆m tơdrong hơtŏk pơ-‘lơ̆ng khăm hơmet jĭ ăn kon pơlei.
Viết bình luận