‘Nâu jing kơtơ̆ng ang ah Hop akŏm sơkơ̆t tơdrong jang plang pham ‘mêm kơ-eng sơnăm 2023 păng tơlĕch sơnong jang ăn sơnăm 2024 kơyuơ Jơnŭm pơgơ̆r jang kơ teh gah Hơvơn plang pham ‘mêm kơ-eng pơgơ̆r. Sơnăm 2023, jâ̆p teh đak hlôi hơvơn, sơng iŏk hloh 1,55 trĭu tơpu pham, đei 110% tơchơ̆t tơlĕch jang, tơgop hơmet jĭ ăn kơ rơbăn bơngai jĭ kăl pham lơ̆m jâ̆p teh đak.

Kiơ̆ Jơnŭm pơgơ̆r kơ teh đak gah Hơvơn plang pham ‘mêm kơ-eng, kĕ đei jơnei âu kơyuơ đei tơdrong tơgŭm kơjăp đơ̆ng dôm jăl jang đảng, jơnŭm pơgơ̆r tơring; tơdrong jang atŭm kơjăp đơ̆ng dôm anih jang, jơnŭm tơpôl; tơdrong hơdrin kơ-‘nôh đơ̆ng Jơnŭm pơgơ̆r hơvơn plang pham ‘mêm kơ-eng dôm jăl jang păng mă kăl noh tơdrong tơgŭm đơ̆ng lơ kon pơlei.