‘Nâu jĭ tơmam hơpăh yoa Ban Tuyên giáo trung ương tơlĕch. Tơ̆ Đắk Lắk, ‘măng mă âu đei 135 ƀai chih mât lơ̆m vŏng mă hơtuch. Lơ̆m noh đei 69 ƀai chih tơroi păng 66 ƀai chih pơđơ̆k. Kiơ̆ Anih pơgơ̆r, dôm ƀai chih, chih tơroi tôch hơiă tơ̆ yăn âu, chih tơdrong đei tơpă, bơngai tơpă.

Kiơ̆ đơ̆ng noh, tơtom chă ƀôh, pơlung, pôk pơ ư dôm khul grŭp, rim bơngai rơgei, đei trong jang hơiă mưh hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok Hô lơ̆m rim tơdrong arih xa, tơpôl. Tơ̆ âu, Anih pơgơ̆r hơpăh ăn 32 ƀai chih rơgei păng rơih 10 ƀai chih rơgei, hơiă hlŏh vă thi tơ̆ Trung ương.