Hop akŏm âu akŏm hloh 200 ‘nu bơngai tang măt apŭng plĕnh teh păng Việt Nam, ‘noh đei kơdră chĕp kơ̆l dôm grŭp jang, anih mơdro sa tih đơ̆ng 21 teh đak jang mŭk drăm APEC. ‘Măng hop akŏm pơma dơnuh dôm tơdrong gĭt kăl nhen: tĕch mơdro - tơmơ̆t jên jang, mŭk drăm kơsô̆, tơplih rơgoh, jên hu kơjăp, hơnih pơdtruh, kơmăy gơh hơgei, pơgang hơgei....

Pơma tơ̆ ‘măng pơgơ̆r pơih blŭng, Kơdră teh đak lăng ‘lơ̆ng tơdrong pơma dơnuh đơ̆ng ‘măng hop akŏm ‘măng âu, akhan ‘nâu jĭ dôm tơdrong tơgŭm hơdrol tih lơ̆m tơdrong jang hơtŏk tơiung kơ Việt Nam truh sơnăm 2030, trĕng lăng truh 2045. Kơdră teh đak pơma hơdăh Việt Nam tŏk bŏk tŭn pran hơmet ming trong jang, chih pơkeh khôi luơ̆t păng pơjing hơnih tơmơ̆t jên jang hơdăh, sơđơ̆ng, pơm tơdrong hiôk ăn anih mơdro sa lơ̆m păng ‘ngoăih teh đak.