Lơ nơ̆r pơma akhan, tơdrong Quốc hội hơmet ming 1,2 khôi luơ̆t khei ‘năr âu ki vang tơgop pơjing đei tơdrong ‘lơ̆ng ăn dôm anih tĕch mơdro jang tŏk. Mă lei, mưh bơ jang kiơ̆, kŭmoei đei 1,2 tơdrong tơhlăk nhen: anih tĕch mơdro ‘mĕh tơmât jên jang athei đei trong iŏk yoa tĕh kiơ̆ tơdrong tơproh, mă lei truh dang ei lơ teh tơ̆ Tây Nguyên đơ̆ng mir đak lar ngăl tam mă đei hla ar chih pơtho găh kơjă ăn dôm bơngai tơmât jên jang, bơngai roi tơƀôh vă chih tơlĕch trong iŏk yoa teh.
Tơ̆ jơ tơƀâp, bơngai tăh hla kŭm pơma tơlĕch lơ nơ̆r apinh ƀơm truh tơdrong atŏk tơiung mŭk drăm, tơpôl kơ Đắk Lắk pơma hơdrô̆ păng lơ̆m teh đak pơma atŭm nhen tơdrong vă pơm trong gre kơdâu hrĕnh, tơproh trong jang rong sem pleng, tơmât jên jang hơdoi hăm dôm công ty choh jang xa, pơtăm ‘long…
Viết bình luận