‘Nâu jĭ 1 lơ̆m dôm tơdrong tơchơ̆t gĭt kăl ‘nao đei dôm bơngai tang măt Jơnŭm pơgơ̆r kon pơlei dêh char Đắk Lắk drơ̆ng nơ̆r tơ̆ hop akŏm kiơ̆ tơdrong jang ‘măng mă 12, Jơnŭm pơgơ̆r kon pơlei dêh char jăl X, đơ̆ng 2021-2026. Akŏm đĭ đăng jên vă man 1.200 tŏ hnam ăn unh hnam tơnuh, pơmat tat găh hnam oei, unh hnam đei kŏng, kon pơlei kon kông tơ̆ dêh char Đắk Lắk ‘nŏh 96 ti.

Lơ̆m noh 60 ti yoa Anih tơm vei lăng Công an mong tơgop, dêh char Đắk Lắk tơchă dang 24 ti dơ̆ng. 12 ti oei đei ‘nŏh yoa Công an dêh char Đắk Lắk jang hơdoi hăm anih chĕp kơ̆l đảng, khul kơdră pơgơ̆r dôm apŭng, thĭ xăh, plt iŏk tơlĕch jên mong kơdih păng jên đơ̆ng tơpôl vang tơgop. Tơ̆ hop akŏm kiơ̆ tơdrong jang ‘măng mă 12, Jơnŭm pơgơ̆r kon pơlei dêh char Đắk Lắk jăl X, dôm bơngai tang măt drơ̆ng nơ̆r ăn “Tơdrong tơchơ̆t tơgŭm jên man 1.200 tŏ hnam ăn unh hnam tơnuh, pơmat tat găh hnam oei, unh hnam đei kŏng, kon pơlei kon kông tơ̆ dêh char Đắk Lắk sơnăm 2024”, hăm jên tơgŭm truh 24 ti, iŏk đơ̆ng jên mong kơ dêh char.