Ƀô̆ trương Tô Lâm bơnê kơ tơdrong jang hadoi kăp gĭt đơ̆ng Anih jang tang măt ăn Thụy Sĩ tơ̆ Việt Nam păng đơ̆ng Kơdră jang tang măt, hlôi tơgop kăp gĭt lơ̆m tơdrong hơtŏk jang tơbôl kơ 2 teh đak Việt Nam - Thụy Sĩ.

Vă hơtŏk jang tơbôl đơ̆ng Anih tơm Kŏng an Việt Nam hăm dôm anih jang kiơ̆ khôi luơ̆t pơkăp kơ teh đak Thụy Sĩ, Ƀô̆ trương Tô Lâm pơkăl, khei năr truh, 2 pah hơtŏk asong khul kơpal năm hơpong dih băl; dah hrôih akŏm pơma đam dôm tơchơ̆t jang 2 pah gah tơplih pơnă phak kron; pơjing trong jang hadoi 2 pah gah vei sơđơ̆ng tơpôl, tang găn păng tơjră tơdrong pơm glăi. Hơtŏk pơma đam gah tơdrong hlôh vao jang kiơ̆ luơ̆t pơkăp, tơroi gah tơdrong pơm glăi, jang hadoi vă tang găn păng tơjră dôm tơdrong pơm glăi găn lơ teh đak tơrĕk truh 2 teh đak.