Khŭl hlôi năm ngôi tơ̆ yă Phạm Thị Sinh (rơneh sơnăm 1930, oei tơ̆ quận Bình Thạnh), jĭ kon pơlei hlôi tơgop jơhngơ̆m, hŭt hơkâu pham lĕch sĕch huŏng ăn tơdrong tơblăh Điện Biên Phủ. Yă Phạm Thị Sinh đei pơjao Mê đai Tơblăh jơnei mă II, Mê đai. Đơ̆ng rŏng kơ ‘noh, khŭl hlôi năm ngôi tơ̆ ƀok Nguyễn Đình Xướng (rơneh sơnăm 1934, oei tơ̆ quận Bình Thạnh). Ƀok Xướng vang iung tơblăh Điện Biên Phủ iŏk đơ̆ng dôm năr blŭng klĕp truh pơtôch.

Tang măt khŭl tang măt, Kơdră Jơnŭm pơgơ̆r kon pơlei pơlei tơm Hồ Chí Minh Nguyễn Thị Lệ tơbăt jơhnơr hrei ‘nâu ling lang chih răk kŏng jang tih tên đơ̆ng đe yŏng, kang ƀô̆, khŭl lĭnh, hơdruh tơdăm sŭng phŏng, kon pơlei hlôi tơgop jơhngơ̆m, hŭt hơkâu pham lĕch sĕch huŏng ăn tơdrong tơblăh păng lĭnh kon pơlei lơ̆m teh đak hlôi nuih mơng iung tơblăh, hŭt hơkâu lơ̆m tơdrong tơblăh Điện Biên Phủ, tơgop pơm jing tơblăh jơnei gĭt kăl lơ̆m ‘măng tơblăh hŭt ayăt Mi dŏng teh đak. Yă Nguyễn Thị Lệ ‘meh vă bre ƀok yă ling lang hiôk chơt, pran jăng grăng hơkâu, oei hơdai hăm ŭnh hnam, kon sâu, hơnơ̆ng hơtŏk jơhngơ̆m đon ƀô̆ đô̆i Ƀok Hồ, đei lơ tơgop vă pơjing tơring roi ‘năr roi hơtŏk tơiung.