Lơ̆m dang 2 giĕng âu, hơnơ̆ng mưh 2,3 năr, đe linh ƀô đô̆i, công an tơ̆ tơring pơma nuh chă trong chơ đak tơgŭm ăn kon pơlei. Dôm xăh sơlam găh apŭng Ea Súp jĭ tơring đei tŏ phang dêh hlŏh kơ dêh char Đắk Lắk. Rim sơnăm lơ̆m khei tŏ phang dêh hlŏh ‘nŏh hơnơ̆ng đei tơdrong ưh kơmăh đak yoa, mă lei sơnăm ‘nâu tơdrong ưh kơmăh đak truh hrôih ƀiơ̆ păng dêh ƀiơ̆.
Đơ̆ng rŏng kơ tết âm lịch, khul linh ƀô đô̆i, công an tơ̆ tơring pơtơm chơ đak chă tơgŭm ăn kon pơlei tơ̆ tơring ưh kơmăh đak bơih. Thiếu tá Đoàn Huy Tưởng, Yŏng Công an xăh Ea R’Vê, apŭng Ea Súp, dêh char Đắk Lắk ăn tơbăt, rim năr dôm pơlei pơla chih hơmet hơnăn dôm unh hnam ưh kơmăh đak. Đơ̆ng rŏng kơ ‘nŏh, Công an xăh tơlĕch trong jang hơdoi hăm Khul linh jang mŭk drăm 737 (Quân khu 5), pơlơ̆h băl chơ đak rơgŏh ăn kon pơlei.
Viết bình luận