Tơ̆ jơ tơƀâp, lơ bơngai tăh hla pơngơ̆t đơ̆ng rŏng kơ tơmât hơdai 3 dêh char, đei lơ kăn ƀô̆ đơ̆ng 2 dêh char Đắk Nông păng Bình Thuận gô truh tơ̆ Anih jang pơm lơ̆m plt Đà Lạt, dêh char Lâm Đồng vă bơ̆ jang. ‘Ngoăih kơ pơmat tat găh tơdrong yak vih vât, tơdrong hơmet anih oei xa kŭm jing tơdrong tôch pơmat tat ‘năi.

Kŭm hăm nơ̆r ‘nŏh jĭ athei dêh char đei trong sek tơlang mă ‘lơ̆ng, bơngai tăh hla Lâm Đồng oei athei hơnơ̆ng tơrek truh tơdrong tang găn xa pơjĭp; tang găn tơmam ya, ưh kơ ‘lơ̆ng… Tơchĕng ‘lơ̆ng dôm nơ̆r pơma tơgop đơ̆ng bơngai tăh hla, ƀok Phan Đình Trạc pơma hơdăh, tơdrong tang găn xa pơjĭp, pơm glăi khei ‘năr  âu đei bơ̆ jang tôch ‘lơ̆ng păng đei trong jang pran vă tang găn. Ƀlep ƀât ‘măng mă âu, ƀok Phan Đình Trạc pơjao 10 tơpu tơmam hơpăh ăn dôm unh hnam đei kŏng rơgei tơ̆ Đà Lạt.