Tơ̆ jơ sơng, 2 păh pơma hơdăh tơdrong pơvei ‘lơ̆ng hơiă đơ̆ng sơ̆, lui băl, hlôh vao băl ‘nŏh jĭ tơdrong tôch gĭt kăl vă 2 păh hơnơ̆ng iŏk yoa rim tơdrong ‘lơ̆ng đơ̆ng rim teh đak păng tưk tơiung tơdrong jang hơdoi vă hơnhăk tơdrong pơvei 2 păh tŏk pran hlŏh dơ̆ng, rim pang đei yoa ngăl păng vang tơgop ăn tơdrong jang tŏk, sơđơ̆ng ‘lơ̆ng tơ̆ tơring. 

Tổng Bí thư pơma hơdăh hăm dôm tơdrong pran ‘lơ̆ng đơ̆ng kơdih, Việt Nam hơpơi ‘mĕh năm atŭm păng jang hơdoi hăm Sri Lanka lơ̆m tơdrong jang tŏk mŭk drăm tơpôl. 2 păh oei drơ̆ng nơ̆r pơih xă hlŏh dơ̆ng tơdrong jang hơdoi găh choh jang xa, pơtho pơhrăm, jŏh ayŏ kơ dŏ xoang, pơvei kon pơlei, chă tơmang lăng, lui khop, hơtŏk tơdrong pơih trong gre păr tơpăt tơ̆ băl hrôih hlŏh vă tơgŭm ăn tơdrong jang hơdoi, tơguăt kơjăp 2 teh đak.