Rim bơngai năm akŏm pơma đam hlôi tơroi gah lơ tơdrong pơkăp, tơdrong hlôh vao gah iŏk yua kơmăi kơmŏk 'nao lơ̆m tơdrong jang ƀăo, atŭm hăm noh tơroi hơdah trong hiôk păng tơdrong tơnap tap kơ bơngai jang ƀăo lơ̆m khei năr tơplih kơmăi kơsô̆ tenh kuăng; pơma đam gah trong pơm jang vă ƀăo chĭ gơh jang trŏ hăm tơplih kơmăi kơsô̆ tŏk bŏk oei hơtŏk pran kơtang, tơdrong tơgar jang roi năr roi krưp.

Kiơ̆ bơngai jang ƀăo Nguyễn Văn Phú, Kơdră Jơnŭm bơngai jang ƀăo dêh char Đăk Lăk, dôm sơnăm kơ ou, ƀăo chĭ tơ̆ Đăk Lăk hlôi ƀôh hơtŏk kơtang gơnơm đơ̆ng kơmăi kơsô̆. Dôm tak phâm ƀăo chĭ hlôi đei chih tơbang kơtă kiơ̆ pơkăp live stream, hơvơn lơ bơngai kơleng mơ̆ng lăng. Ƀok Phú sơkơ̆t hơdah, chăl jang kiơ̆ pơkăp kơmăi kơsô̆ ưh hơdrô̆ tơnap tap, mă oei jing trong hiôk tih tên vă ƀăo chĭ hơtŏk pơ-'lơ̆ng, pơih să bơngai mơ̆ng lăng păng tơrĕk hăm kơtơ̆ng ang tenh kuăng hloh, tơpăt trŏ ƀlep hloh.