Ƀôh hơdah tơ̆ lơ hơnih pơlong, mă lơ đe hŏk tro pơlong ăn tơbăt, gơh pơm ƀai, sơđơ̆ng gah đon bơnôh păng kơchăng ăn năr pơlong đơ̆ng rŏng. Hơdrol kơ noh, ah pơgê, hŏk tro pơlong tơ̆ Đăk Lăk hlôi keh đang ƀai pơlong Ngư văn hăm tơdrong hơ-iă. Kơsô̆ hŏk tro năm pơlong ah năr mă blŭng tơ̆ dêh char đei truh 99%.

'Năr ou (27/6), hŏk tro pơtoi pơm ƀai pơlong gah hơkŏp Khua hŏk tư̆ nhiên dah mă Khua hŏk Xah hô̆i ah pơgê păng môn Nơ̆r teh đak đe ah kơsơ̆. Yă Lê Thị Thanh Xuân, Kơdră Anih jang Pơtho Pơhrăm dêh char Đăk Lăk ăn tơbăt: hơnih jang pơtho pơhrăm pơtoi pơm jang tơnăp kiơ̆ tơchơ̆t vă 'măng pơlong gơh sơđơ̆ng 'lơ̆ng păng trŏ nhen tơchơ̆t tơlĕch.