Pơma pơgơ̆r tơ̆ jơ bơ̆jang, Tổng Bí thư Tô Lâm, Bí thư Quân ủy Trung ương athei: Khŭl lĭnh ƀô̆ đô̆i ‘noh jĭ “bơngai hơdrol phao đơ̆ng rŏng”, athei hơmet pơ ‘lơ̆ng găh kon bơngai hơdrol đang kơ ‘noh răt hơmet phao kơ toang ‘nao. Athei Anih jang Chĭnh trĭ kăl kơ hơtŏk loi dơ̆ng jang hơdai hăm Anih tơm jang tơgŭm lơ̆m pơjing bơngai jang, mă loi ‘noh jĭ bơngai jang gơh hơgei lơ̆m ƀô̆ đô̆i.

Hơnơ̆ng tơlĕch jang đei yua Tơdrong jang, tơdrong tơgŭm sơng iŏk bơngai jang hơgei kơ Khŭl lĭnh ƀô̆ đô̆i kon pơlei Việt Nam truh sơnăm 2030, trĕng lăng truh sơnăm 2050. Tổng bí thư pơma hơdăh: “Rim kang ƀô̆, khŭl lĭnh ƀô̆ đô̆i athei đei đon lui chĭnh trĭ mă kơjăp, hơgei găh ki thuơ̆t păng trong jang, pơm tơ ‘ngla phao kơtoang, hơmet ăn ‘nao, đon tơchĕng tơplih ‘nao hơgei, đei tơdrong jang kơsô̆ păng pơm tơ ‘ngla kơmăy kơsô̆, hlôh vao găh tơdrong ‘lơ̆ng hơiă khŭl lĭnh păng tơdrong gơh hơdai iung tơblăh đei jơhngơ̆m pran kơtang, pơm lăp hăm ‘meh vă gĭt kăl đơ̆ng tơdrong jang khŭl lĭnh”.