
Đơ̆ng rŏng vă jê̆ 1 khei bơ̆jang kiơ̆ tơdrong jang khŭl kơdră chĕp kơ̆l ‘nao, xăh Ea Bung hlôi hơmet tôm khŭl bơngai jang, hơmet ăn kang ƀô̆, bơngai jang kơ teh đak kiơ̆ ƀlep tơdrong hơgăt. Tơdrong jang vei lăng, hơmet pơ ‘lơ̆ng hla ar bơ̆jang đei ƀôh ‘lơ̆ng, hiôk. Kơdră Anih vei lăng kon pơlei dêh char Đắk Lắk athei tơring hơnơ̆ng hơtŏk tơmam ‘lơ̆ng lơ̆m choh jang sa, vei rong kon tơrong, bri ‘long păng mŭk drăm tĕch mơdro tơring sơlam vă hơtŏk iŏk yua, tơgop sut pơngot tơjur dơnuh hin kơjăp.

Hơdai hăm ‘noh, kăl kơ jang hơdai kơjăp hăm khŭl lĭnh vei lăng sơlam vei kơjăp tơdrong sơđơ̆ng, vei lăng kơjăp tơring sơlam teh đak. Ƀlep ƀơ̆t ‘măng âu, khŭl bơ̆jang hlôi năm ngôi, asong tơmam ăn dôm bơngai teh đak tơgŭm păng kang ƀô̆, khŭl lĭnh Kơđông vei lăng ‘Măng jang sơlam Đắk Ruê.
Viết bình luận