Pơma pơih blŭng jơ pơma đam, Kơdră Quốc hội Trần Thanh Mẫn tơchĕng ‘lơ̆ng tơdrong Anih tơm vei lăng jên hu păng dôm anih jang vang jang hơdoi pơgơ̆r pơma đam Pơjing păng tơmât yoa Anih jang jên hu apŭng plenh teh – Nơ̆r tơtă ăn Việt Nam vă hơtŏk tơdrong jang hơdoi đơ̆ng Việt Nam păng Thụy Sĩ; akhan, ‘nâu jĭ tơdrong jang tôch gĭt kăl lơ̆m ‘măng  năm bơ̆jang đơ̆ng Khul tang măt ăn Việt Nam tơ̆ Thụy Sĩ.

Pơma hơdăh tơdrong ‘lơ̆ng đơ̆ng 2 teh đak oei đei tôch lơ, Kơdră Quốc hội athei, Anih tang măt ăn Việt Nam tơ̆ Thụy Sĩ păng Khul jang ăn Việt Nam tơ̆ Liên Hợp Quốc, Anih vei lăng tĕch mơdro lơ̆m apŭng plenh teh păng dôm anih jang lơ̆m apŭng plenh teh tơ̆ Geneva jang hơdoi mă kơjăp hlŏh dơ̆ng hăm dôm anih jang kơpal tơ̆ Thụy Sĩ, dôm Khul jang kơ apŭng plenh teh tơ̆ Thụy Sĩ vă tơtom hơmet pơ ‘lơ̆ng dôm tơdrong pơmat tat mưh jang kiơ̆ dôm hla ar pơkăp, jang hơdoi hlôi đei đei kĭ đơ̆ng 2 teh đak, pơjing tơdrong ‘lơ̆ng, hiôk hian vă roi đunh roi đei lơ bơngai tơmât jên jang đơ̆ng Thụy Sĩ truh jang xa tơ̆ Việt Nam