Thủ tướng pơgơ̆r ‘măng hop akŏm hơlen lăng 1 khei bơ̆jang đơ̆ng khŭl kơdră chĕp kơ̆l 2 tăl
Thứ ba, 13:57, 29/07/2025
VOV/Thuem tơblơ̆
VOV/Thuem tơblơ̆
VOV.Bahnar - Pơgơ̆r ‘măng hop akŏm hơlen lăng 1 khei bơ̆jang đơ̆ng khŭl kơdră chĕp kơ̆l tơring 2 tăl lơ̆m kơsơ̆ brei (28/07), tơ̆ Anih bơ̆jang Khŭl kơdră teh đak, Thủ tướng Phạm Minh Chính athei: vei sơđơ̆ng dôm tơdrong kăl, anih jang tơmam drăm, kơmăy ki thuơ̆t vă tơdrong jang pơgơ̆r khŭl kơdră tơring 2 tăl tơlĕch jang hrơ̆ch, hiôk păng đei yua ‘lơ̆ng.
Pơma tơ̆ ‘măng hop akŏm, Thủ tướng Phạm Minh Chính lăng ‘lơ̆ng tơdrong mơ̆t jang hơdrin đơ̆ng kang ƀô̆, anih jang, tơring tơlĕch jang khŭl kơdră tơring 2 tăl. Akhan pơtôch lăng atŭm ‘lơ̆ng, mă lei, Thủ tướng tơƀôh hơdăh oei tơhlăk tơhlĭn ƀơm truh teh, hla ar bơ̆jang, tư pháp, hnam pơgang, hnam trưng hŏk, hơnih rơih hŏk tro mơ̆t hŏk...
Tơroi tơpă yan âu, kon pơlei tam mă joăt hăm tơplih kơsô̆ kơna pơm hla ar ƀônh oei athei truh tơ̆ Anih pơm hla ar kơ teh đak, Thủ tướng pơma hơdăh akŏm tơplih kơsô̆ vă tơjur pơm hla ar ăn kon pơlei, anih mơdro sa, mă lei kŭm kăl kơ dăr hơlen dơ̆ng, tơmơ̆t yua 1 phần mềm hơdai, vei sơđơ̆ng bơ̆jang ‘lơ̆ng păng đei yua.
Viết bình luận