Tổng Bí thư pôk pơ ư dôm tơdrong jơnei tôch ‘lơ̆ng đơ̆ng Anih pơgơ̆r Trung ương lơ̆m tơdrong roi tơƀôh găh tơdrong pơjing Đảng; tơchĕng ‘lơ̆ng đon jang tơnăp, tơpăt ‘lơ̆ng, băt tơbral kơdih păng pơma tơƀôh 5 grŭp tơdrong oei tam mă pran kŭm hăm 4 tơdrong tơm găn trong.

Tổng Bí thư athei Anih pơgơ̆r Trung ương hơnơ̆ng kơchăng tơlĕch lơ trong jang mă pran hlŏh dơ̆ng. Pơma hơdăh kơplăh dang ei jĭ khei ‘năr tôch gĭt kăl vă hơmet ăn Hop akŏm mă XIV, Tổng Bí thư athei Anih pơgơ̆r Trung ương hơtŏk hơnăp jang, roi tơƀôh, akŏm jơnăr hơmet pơ ‘lơ̆ng trong pơgơ̆r, tơplih ‘nao tơdrong jang kăn ƀô̆, hơtŏk đon rơgei mưh tơlĕch trong jang; hơmet ming khul jang chinh trĭ kiơ̆ trong ‘nao, bơ̆ jang đei yoa, hơmet ‘lơ̆ng hla ar chih kăl păng trong rơih bơngai jang tơ̆ Anih chĕp kơ̆l đảng lơ̆m jăl ‘nao.