
Pơma pơtôch jơ bơ̆ jang, Kơdră teh đak Lương Cường chih răk, tơchĕng ‘lơ̆ng đon jang tơnăp, tôch kơchăng, gơ̆h hơgei đơ̆ng Anih chĕp kơ̆l Đảng dêh char Quảng Ninh lơ̆m tơdrong pơgơ̆r tơchĕng hơlen, hlôh vao, hŏk pơhrăm, jang kiơ̆ tơdrong Tơchơ̆t Trung ương 11, pơjing tơdrong drơ̆ng pôm nơ̆r lơ̆m khul kăn ƀô̆, đảng viên păng kon pơlei.

Atŭm hăm ‘nŏh dôm tơdrong hơgăt atŏk tơiung mŭk drăm, tơpôl hơnơ̆ng tŏk kơjung, tơdrong sơđơ̆ng chinh trĭ, sơđơ̆ng lơ̆m tơpôl đei vei lăng kơjăp. Kơdră teh đak lui, hăm jơhngâm đon tơplih ‘nao, gơ̆h hơgei, nuih mơng păng đei đon adrin chinh trĭ tôch ai, Đảng ƀô̆, khul kơdră tơring, khul linh păng kon pơlei dêh char Quảng Ninh hơnơ̆ng pơm hơtŏk dôm tơdrong jơnei tih hlôi iŏk đei, bơ̆ jang đei jơnei tơdrong Tơchơ̆t đơ̆ng Hop akŏm Trung ương 11 jăl XIII, chih pơjing hla ar kăl păng rơih hơmet bơngai jang ăn Hop akŏm Đảng ƀô̆ dêh char rơgei, đei jơhngâm đon ‘lơ̆ng, vang tơgop gĭt kăl ăn tơdrong jơnei ăn Hop akŏm Đảng lơ̆m teh đak ‘măng mă XIV.
Viết bình luận