Kiơ̆ kơ ‘nŏh, tơchĕng adrol đơ̆ng rŏng kơ tơmât hơdai hăm Bình Định, dêh char kăl đei dang 1.000 tŏ hnam teh đak ăn kăn ƀô̆ oei, tam mă jô̆ truh Grŭp Đảng păng Jơnŭm pơgơ̆r kon pơlei. Dang ei, Gia Lai ‘nao lăp đei 1 anih pơm hnam teh đak ăn kăn ƀô̆ oei tơ̆ plt Pleiku, man đơ̆ng sơnăm 2005 hăm 12 lăm, lơ̆m noh đei 6 lăm oei ưh đei bơngai oei. Tơdrong ‘mĕh vă tơchĕng adrol đei: 3 tŏ hnam tih, 509 tŏ hnam tơtil păng dang 500 tŏ hnam chung cư.

Anih vei lăng ming man dêh char apinh hơmet ming Luơ̆t Hnam oei vă pơih xă bơngai gơ̆h thuê hnam teh đak, đei hloi kăn ƀô̆ ưh đei hơnăn athei năm jang hơtăih mă lei đei tơplih anih oei xa. Kiơ̆ tơdrong tơmât hơdai, dang 2.000 ‘nu kăn ƀô̆ vă năm jang tơ̆ anih jang ‘nao tơ̆ Quy Nhơn, yoa thoi noh, chih hơmet tơdrong tơgŭm hnam oei ‘nŏh tôch gĭt kăl. Kiơ̆ tơdrong tơmât hơdai, dêh char Gia Lai gô đei dang 2.000 ‘nu kăn ƀô̆, bơngai jang ăn teh đak năm tơ̆ plt Quy Nhơn, Bình Định vă bơ̆ jang.