Dôm bơngai tang măt akhan, Anih jang kơmăy kơmŏk Việt Nam oei mât lơ̆m chăl jang tŏk pran ƀât oei hăt mât jang hơdoi hăm apŭng plenh teh jrŭ xă, tơplih rơgŏh ‘lơ̆ng – tơplih hăm kơmăy sô̆ păng tơdrong ‘mĕh vă roi đunh roi tŏk đơ̆ng trong jang pơm hơtŏk kơjă jơ̆p plei teh.

Lơ̆m trong jang atŏk tơiung kơmăy kơmŏk truh sơnăm 2030, trong jang truh sơnăm 2045, đon kơchăng jang tŏk kơdih păng vang mât jang lơ̆m trong pơtruh tơmam jơ̆p plei teh đei năng jĭ tơdrong tôch gĭt kăl vă Việt Nam ưh lăp jing anih pơm hơmet tơmam đĕch, mă oei jing anih jang kơmăy kơmŏk rơgei tơ̆ tơring dơ̆ng. Tơdrong tơchơ̆t 57 găh jang tŏk khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆ lơ̆m teh đak păng Tơdrong tơchơ̆t 68 găh atŏk tơiung mŭk drăm tơ̆ anih jang kơdih vă pơjing tơdrong ‘lơ̆ng ăn anih jang kơmăy kơmŏk păng tơplih hăm kơmăy sô̆ truh sơnăm 2030. Đơ̆ng noh hơtŏk tơdrong jang kơmăy kơmŏk Việt Nam gơ̆h jang kơdih, pran kơjăp tơ̆hơnăp kơnh.