Đắk Lắk oei hơmet ăn tơdrong tơmât yoa khul kơdră pơgơ̆r tơring 2 tăl
Thứ sáu, 14:54, 13/06/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Anih vei lăng kon pơlei dêh char Đắk Lắk hlôi tơlĕch tơdrong tơchơ̆t găh pơjing Grŭp tơjră hrĕnh vă tơlĕch jang dôm tơdrong hơmet ăn tơdrong bơ̆ jang đơ̆ng Khul kơdră pơgơ̆r tơring tơ̆ xăh, kiơ̆ trong jang pơjing khul kơdră pơgơ̆r tơring 2 tăl.
Grŭp tơjră hrĕnh đei 16 ‘nu bơngai jang, yoa Phŏ Kơdră vei lăng kon pơlei dêh char Nguyễn Tuấn Hà pơm bơngai chĕp kơ̆l. Grŭp tơjră hrĕnh đei tơdrong jang roi tơƀôh ăn Anih vei lăng kon pơlei dêh char bơ̆ jang kiơ̆ Nơ̆r tơchơ̆t đơ̆ng Anih tơm Chinh trĭ, Ban Bí thư găh hơmet ming khul bơngai jang, anih jang vei lăng, pơm ‘lơ̆ng, lăp hăm nơ̆r athei đơ̆ng dôm tơdrong tơchơ̆t, nơ̆r hơgăt đơ̆ng Trung ương. Grŭp tơjră hrĕnh gô tơklăh kơdih mưh bơ̆ jang đang rim tơdrong đei pơjao.
Viết bình luận