‘Măng hop akŏm drơ̆ng nơ̆r ăn lơ tơdrong tơchơ̆t gĭt kăl adrol kơ tơmât hơdai hăm 2 dêh char Bình Thuận, Đắk Nông jing dêh char Lâm Đồng ‘nao. ‘Măng hop akŏm drơ̆ng nơ̆r ăn 6 tơdrong tơchơ̆t gĭt kăl, lơ̆m noh đei 3 tơdrong tơchơ̆t ƀơm truh trong tơmât jên jang đơ̆ng teh đak, 1 tơdrong tơchơ̆t gơ̆t lê̆ tơdrong tơmât jên jang, 1 tơdrong tơchơ̆t ƀơm truh tơdrong chih tơbăt jên thu mong, tơlĕch jên păng 1 tơdrong tơchơ̆t găh tơdrong tơmât dơ̆ng kơsô̆ bơngai jang kiơ̆ hla ar pơkăp lơ̆m anih pơtho pơhrăm.

Pơma pơtôch hop akŏm, Kơdră Jơnŭm pơgơ̆r kon pơlei dêh char Lâm Đồng Phạm Thị Phúc akhan, dôm tơdrong đei set hơlen, tơchơ̆t tơ̆ hop akŏm tôch gĭt kăl tơ̆ yăn âu, trŏ khôi luơ̆t hai, pơjing tơdrong ‘lơ̆ng ăn jăl jang pơtăl dơ̆ng hai, năm truh tơdrong tơmât hơdai dêh char, hơmet ming anih vei lăng tơ̆ xăh păng pơjing khul kơdră pơgơ̆r tơring 2 tăl.