Atŭm hăm noh tơgop nơ̆r lơ̆m minh ƀar tơdrong nai vă hơmet ăn 'măng hop akŏm Jơnŭm pơgơ̆r teh đak kiơ̆ pơkăp ah khei 4/2025 adoi nhen minh ƀar tơdrong kăp gĭt nai lơ̆m khei năr truh.

Pơma ah hop akŏm, Thủ tướng pơgơ̆r rim anih jang tơm, rim tơring pơtoi akŏm pơm jang dôm sơnong jang, trong jang vă hơtŏk tơ-iung lơ̆m khei năr mŭk drăm apŭng plenh teh ƀơm lơ tơnap tap, hrat hrĭn; vei sơđơ̆ng pơm kiơ̆ dôm tơchơ̆t hơtŏk tơ-iung hlôi tơchơ̆t tơlĕch, pơkăp, pơgơ̆r đơ̆ng Trung ương, Anih tơm Chĭnh trĭ, Kuôk hô̆i, Jơnŭm pơgơ̆r teh đak; tơrĕk pơm 'nao dôm tơdrong hơtŏk juăt jue păng hơtŏk dôm tơdrong hơtŏk tơ-iung 'nao. Atŭm hăm noh, athei hơmet mă tơnăp dôm tơdrong kăl 'măn ăn Hop akŏm mă 9, Kuôk hô̆i jăl 15 hăm lơ tơdrong tơchơ̆t jang, chih akŏm khôi luơ̆t, tơdrong tơchơ̆t...