Kiơ̆ tơdrong vă jang lơ̆m Hop akŏm, Quốc hội vă pơtôch hop akŏm lơ̆m ‘năr 30/6. ‘Nâu jĭ ‘măng hop akŏm đunh hlŏh đơ̆ng blŭng jăl 15 truh dang ei, tơchơ̆t lơ tơdrong kăl gĭt kăl. Tơ̆ hop akŏm mă 9, Quốc hội jăl 15, Quốc hội vă hơlen năng, tơchơ̆t hơmet ming, chih tơmât dơ̆ng 1,2 tơdrong lơ̆m Khôi luơ̆t tơm sơnăm 2013; hơlen năng, pơdrơ̆ng nơ̆r ăn 34 khôi luơ̆t păng 11 tơdrong tơchơ̆t. Quốc hội oei vă tơgop nơ̆r ăn 06 khôi luơ̆t nai.

Bơ̆ jang hơnăp jang set hơlen, tơchơ̆t dôm tơdrong kăl, Quốc hội oei vă hơlen năng, drơ̆ng nơ̆r ăn tơdrong Tơchơ̆t đơ̆ng Quốc hội găh tơmât hơdai anih jang tơ̆ dêh char; tơchơ̆t kăt tơjur jăl jang kơ Quốc hội jăl XV păng Jơnŭm pơgơ̆r kon pơlei jơ̆p tơring đơ̆ng 2021 – 2026; tơchơ̆t năr pôk rơih bơngai tang măt Quốc hội jăl 16 păng bơngai tang măt Jơnŭm pơgơ̆r kon pơlei jơ̆p tơring jăl jang đơ̆ng 2026 - 2031.