Kơ iĕng Thủ tướng sơkơ̆t hơdăh dôm nơ̆r pơtruh ăn kơtang đơ̆ng Khul kơdră Teh đak Việt Nam găh kơrŭn đĭ ai tơplih ‘nao kơtang hloh jơhngơ̆m đon tơchĕng, tơ iung pơjing, pơm pơkeh đĭ đăng tơdrong pơkăp mŭk drăm, chinh trĭ, joh ayŏ, tơpôl, cham char; pơm hơtŏk dôm tơdrong đei, pơjing hơyak pran ‘nao ăn atŏk tơ iung tĕnh koăng păng kơjăp ‘lơ̆ng teh đak, tơlĕch jang kiơ̆ kơtang trong tơlĕch jang ba teh đak atŏk tơ iung kơtang hloh lơ̆m chăl hle. Việt Nam ling lang hơdrin iung jang kiơ̆ trong jang tơbôl kơdih; lơ trong; jĭ boăl ‘lơ̆ng, jĭ boăl jang hơdoi hơ iă, jĭ teh đak jang lơ̆m khul tơnăp kơ tơpôl apŭng plĕnh teh. Kơ iĕng Thủ tướng krao hơvơn rim hơnih mơdro sa, bơngai tơmơ̆t jên jang UAE, Trung Đông păng rim teh đak tơmơ̆t jên jang lơ̆m dôm tơdrong kăkl kơ Việt Nam hrei ou nhen tơplih ‘nao rơgoh ‘lơ̆ng, tơplih kơsô̆, tơplih ‘nao tơchăr, kmăi kmŏk hơgei, AI, bán dẫn, ŭnh hơyuh ‘lơ̆ng.