Tơ̆ Hop akŏm, Kơdră chĕp pơgơ̆r rim Hơnih tơm, hơnih bơ̆ jang hlôi pơma dơnuh, pơm hơdăh tơdrong tơm pơm ăn ưh kơ lăp, tơnap tap kơ rim tơdrong vă jang BOT kơ yuơ tơdrong tơplih lơ̆m jang kiơ̆ rim tơdrong tơchơ̆t khôi luơ̆t păng tơdrong yan au; trong jang khôi luơ̆t păng tơdrong tơchơ̆t khôi luơ̆t đei ƀơm truh vă hơmet pơ ‘lơ̆ng rim tơdrong vă jang adoi nhen hơnăp jang rim pang kiơ̆ kĭ pơkăp dih băl.

Rup hop akŏm.

Pơma pơtôch hop akŏm, Kơ iĕng Thủ tướng Trần Hồng Hà athei Hơnih tơm vei lăng Trong gre nơnăm tĕnh koăng pơm pơkeh hla bơar tơbăt pơm hơdăh tơdrong tơm pơm ăn tơnap tap, tơhlăk tơhlĭn kơ 8 tơdrong vă jang BOT, adoi nhen kơ rim tơdrong vă jang BOT trong nơnăm tơlĕch jang hơdrol kơ Khôi luơ̆t Tơmơ̆t jên jang kiơ̆ trong teh đak kon pơlei tơmơ̆t jên jang đei jang kiơ̆. Lơ̆m au, tơƀôh hơdăh tơdrong tơm pơm ăn, lơ̆m khei ‘năr tơplih, pơm pơkeh trong tơlĕch jang, trong jang khôi luơ̆t lơ̆m kiơ̆ khei ‘năr, hơnăp jang kơ rim pang ƀơm truh.