Hmach bơnê kơ ƀok Kơdră tang măt hlôi keh đang tơnăp jăl pơm jang tơ̆ Việt Nam, Kơdră tơdăng kơ teh đak bơ̆n Võ Thị Ánh Xuân hmach bơnê kơ sơnong jang păng anih dơ̆ng kơ teh đak Algeria tơ̆ châu Phi păng lơ̆m apŭng plenh teh. Lui ngeh akhan, Algeria gô pơtoi đei jơnei tih hloh dơ̆ng lơ̆m tơdrong jang tơ-iung pơjing păng hơtŏk teh đak.

Kơdră tơdăng kơ teh đak bơ̆n ăn tơbăt, tơdrong jang hadoi mŭk drăm, tĕch pơdro kơ 2 teh đak oei tih tên, lơ̆m noh đei tơdrong jang unh hơyuh păng choh jang xa. Kơdră tơdăng kơ teh đak bơ̆n hơpơi ‘meh hăm rim kơchư̆k jang ayơ, Kơdră jang tang măt gô pơtoi răk đon bơnôh ‘lơ̆ng rŏ hăm Việt Nam, tơgop pơm gơng tơroh hơtŏk jang tơbôl 2 pah păng akŏm hơpeh hơpong kon pơlei 2 teh đak.