Tơ̆ dôm anih akŏm pơma dơnuh, kon pơlei lui ngeh păng hơpơi ‘meh lơ̆m dôm tơchơ̆t hơtŏk mŭk drăm – tơpôl, trong jang găn tơnap tap kơyuơ huach kư̆ kă gah mŭk drăm đơ̆ng Jơnŭm pơgơ̆r teh đak, đơ̆ng Kuôk hô̆i lơ̆m dôm ‘măng hop akŏm âu ki. Atŭm hăm noh, pơtoi pơtruh lơ tơdrong đei tơrĕk truh tơdrong jang vei lăng đơ̆ng teh đak hăm dôm tơdrong jang.

Tang măt ăn dôm anih jang, jơnŭm pơgơ̆r dôm tơring kơ dêh char Lâm Đồng hlôi tơlĕch trong jang hăm minh ƀar tơdrong mă kon pơlei pơngơ̆t. Khul jang tang măt ăn kuôk hô̆i dêh char Lâm Đồng adoi sơkơ̆t chih akŏm nơ̆r pơtruh vă pơkăl dôm anih jang kơpal hơlen, sek tơlang, hơmet pơkeh lơ̆m khei năr truh.