Trong yak năm tơ̆ "Điện Biên Phủ - Đon hơpơi kơ teh đak" yoa Trung ương Đoàn TNCS Hồ Chí Minh pơgơ̆r vă pơgơ̆r đơ̆ng năr ‘nâu ‘năr 24/4 truh 27/4/2024 hăm lơ tơdrong jang năm ngôi, hơpăh tơmam, bơnê kơ dôm unh hnam linh so Điện Biên, unh hnam đei kŏng hăm kăch mang, Mĕ Việt Nam nuih mơng, sŏh plang nhang ƀlŏk hơdơ̆r kơ đe Linh lôch tang teh đak. Pơgê hei, tơ̆ Anih gru groa gĭt kăl Jrăng Hla kơ Hà Nội, pơm Lêh năm tŏk tơ̆ “Điện Biên Phủ - Đon hơpơi kơ teh đak”.

Lơ̆m trong yak âu, đei 3 trong tơklăh năm truh tơ̆ dôm dêh char, plt  păng vang akŏm hơdai tơ̆ plt Điện Biên Phủ, dêh char Điện Biên lơ̆m ‘năr 26/4 truh. Hăm rim tơring năm brih, dôm bơngai tang măt vă năm hơpong, sŏh plang nhang tơ̆ dôm anih gru groa so; năm ngôi, hơpăh tơmam ăn dôm unh hnam đei kŏng hăm kăch mang; et hơtŏk, hơpăh dôm anih pơyoa ăn druh dăm, ăn dôm unh hnam, hŏk tro đei tơdrong arih xa pơmat tat. Akŏm đĭ đăng jên tơmam tơgŭm ăn dêh char Điện Biên păng dôm tơring lơ̆m ‘măng yak âu hlŏh 7,6 ti hlak jên.