Tơ̆ pơma đam, rim bơngai tang măt akŏm pơma đam, pơm hơdah tơdrong tơrĕk đơ̆ng dôm tơchơ̆t gah kơsô̆ măt bơngai đei tơrĕk truh drŏkăn, sơnong jang đe drŏkăn, hơdruh tơdăm lơ̆m pơm kiơ̆ pơkăp gah kơsô̆ măt bơngai. Sơkơ̆t hơdah tơdrong jang đei jơnei dôm tơchơ̆t oei yua dang ei kơ tơring lơ̆m  sek tơlang tơdrong đei ƀôh gah kơsô̆ măt bơngai, mă kăl noh tơrĕk truh đe drŏkăn. Đơ̆ng noh pơtruh nơ̆r, tơlĕch trong rơneh hơ-ioh mă trŏ ƀlep, hơlen gah tơdrong hơtŏ rơneh hơ-ioh drănglo drŏkăn păng hơtŏk pơ-'lơ̆ng kơsô̆ măt bơngai, vei lăng 'lơ̆ng jơhngơ̆m jăn bơngai sơnăm 'lŏ.

Yă Đàm Thị Vân Thoa, Kơdră jơnŭm Tơchơ̆t jang – Khôi luơ̆t, Trung ương Jơnŭm jang gah Drŏkăn Việt Nam ăn tơbăt: dôm tơdrong đei tơlĕch lơ̆m pơma đam gô jing anih tơm vă pơtoi keh đang Đê tai khua hŏk kâ̆p ƀô̆ gah  “Tơchơ̆t kơsô̆ măt bơngai păng hơtŏk tơ-iung – Chih akŏm tơchơ̆t jang tơrĕk truh drŏkăn” kơyuơ Jơnŭm jang gah drŏkăn Việt Nam pơgơ̆r.