
Tơ̆ tơdrong jang pơm trong gre kơdâu hrĕnh Châu Đốc - Cần Thơ - Sóc Trăng, Thủ tướng tơchĕng ‘lơ̆ng đon adrin đơ̆ng dêh char An Giang mưh chưk pơ ‘ngoăih teh, hơmet tôm tơmam ming man, athei bơ̆ jang “3 ka, 4 kip”. Thủ tướng athei dôm tơring pơlung công nhân, jang hơdoi kơjăp hăm Quân khu 9, Công an, Mặt trận Tổ quốc păng rim khul tơpôl vă pơm ‘lơ̆ng ăn tơdrong bơ̆ jang, man đei trong kơjăp, trŏ khei ‘năr hơgăt.

Hơlen năng tơdrong jang jăl 1 Cao Lãnh - An Hữu tơ̆ Đồng Tháp, Thủ tướng athei hơtŏk hrĕnh tơdrong jang ming man vă gơ̆h ăn gre kơdâu ƀât hơtuch sơnăm ‘nâu. Atŭm hăm ‘nŏh, pơtho ăn Anih tơm vei lăng jên hu jăh pơm hla ar tơlĕch dơ̆ng jên jang, dôm anih jang đei ƀơm truh athei tang găn tơdrong pơm glăi, pơhuach kư̆ kă. Thủ tướng athei tơ’ngla iŏk jang hơtŏk kơmăy kơmŏk, khul bơngai jang vă jăh bơ̆ jang hrĕnh ‘lơ̆ng.
Viết bình luận