Pơma hơdăh hơnăp jang đơ̆ng bơngai mơlôh hŏk jrŭ lơ̆m “pơm hơdăh ƀai toan hơtŏk tơiung teh đak”, Phŏ Kơdră teh đak athei dôm bơngai mơlôh hŏk jrŭ - dôm bơngai jang gơh hơgei kơ teh đak, hơnơ̆ng hơtŏk tơdrong chhôk ‘nă hơdrĕch hơdrŭng, jơhngơ̆m ‘mêm kơ teh đak, băt hơdăh tơdrong jang, hơnăp jang păng chơt hơiă đơ̆ng kơdih vă tơgŭm pơjing teh đak lơ̆m khei ‘năr ‘nao, yak mơ̆t chăl ‘nao.

Dôm bơngai mơlôh hŏk jrŭ athei lăng băt đei trong jang đơ̆ng chăl hle, hơbĕch hơbal găh chĭnh trĭ lơ̆m teh đak păng apŭng plĕnh teh; tơlĕch ăn tơdrong hơgăt, hơpơi ‘meh đơ̆ng kơdih, tơklep hăm dôm tơdrong jang tơchĕng hơlen hăm tơdrong hơrih sa vă đei tơgop ‘lơ̆ng, đei yua. Phŏ Kơdră teh đak athei Trung ương Đoàn hơnơ̆ng pơvei, hơtŏk tơiung Hop akŏm nhen 1 tơdrong tơgoăt hơdai bơngai mơlôh hŏk jrŭ, pơm hơnih tơƀơ̆p pơma dơnuh, tơroi băl, păr ang jơhngơ̆m đon pơcheh hơgei, chă trong jang hơtŏk tơiung teh đak.