Pơma ah ‘măng hop akŏm, Thủ tướng Phạm Minh Chính ră hơdah, sơnăm 2024 – sơnăm hơtŏk lơ̆m pơm kiơ̆ Tơchơ̆t hơtŏk mŭk drăm tơpôl 5 sơnăm 2021-2025, lơ̆m noh akŏm lơ̆m hơtŏk tơplih trong jang mŭk drăm; Hơtŏk pran tơplih kơsô̆ kơ teh đak; hơtŏk Jơnŭm pơgơ̆r kiơ̆ pơkăp kơsô̆, mŭk drăm kơsô̆, kon pơlei kơsô̆; Tơrĕk lơ̆m 3 tơdrong jang tơm đei, trong jang, bơngai jang, mă kăl noh bơngai jang hơgei, lơ̆m noh mă tơm noh bơngai jang gah tơplih kơsô̆; Ming man anih jang, lơ̆m noh đei anih jang kơsô̆.

Thủ tướng sơkơ̆t, tơlpih kơsô̆ jing sơnong jang tơm, trong jang pran lơ̆m tơlĕch pơm kiơ̆ tơchơ̆t hơtŏk mŭk drăm tơpôl. Ah hop akŏm âu, Thủ tướng pơkăl rim bơngai tang măt akŏm pơma đam sơkơ̆t tơdrong tơlĕch jang kiơ̆ tơplih kơsô̆ kơ teh đak hăm sơnong jang tơm noh hơtŏk mŭk drăm kơsô̆, dôm tơdrong jang đei jơnei, tơdrong oei tơjruh, dôm trong jang tơm vă pơm kiơ̆ tơnăp hloh sơnong jang đei tơlĕch jang lơ̆m sơnăm 2024 kơ Anih jang kơ teh đak gah tơplih kơsô̆.