Tơ̆ jơ sơng, Thủ tướng teh đak tơƀôh jơhngơ̆m đon lăng ‘lơ̆ng tơgop đơ̆ng Khŭl jang thư ký ASEAN păng kơdih Tổng Thư ký lơ̆m tơdrong jang atŭm kơ tơpôl ASEAN; hôn bơnê kơ Tổng Thư ký hlôi drơ̆ng nơ̆r krao hơvơn vang truh Hop akŏm Khei ‘năr tơ̆ hơnăp kơnh ASEAN (AFF) ‘măng mă blŭng đei pơgơ̆r kiơ̆ pơcheh đơ̆ng Việt Nam; pơma hơdăh Việt Nam ‘măn đĭ jơhngơ̆m ăn pơcheh âu hăm ‘meh vă AFF gô jing hop akŏm pơma dơnuh dôm tơdrong tơchĕng, pơcheh pơtrŭt jang hơdai tơring, tơgŭm ăn dôm hop akŏm, trong jang tơpă đơ̆ng ASEAN, tơgop pơjing 1 Tơpôl ASEAN tơgoăt tơgoăl, hơdrin kơdih păng hơtŏk tơiung kơjăp.
‘Măng âu, Thủ tướng păng Tổng Thư ký kŭm pơma dơnuh dôm tơdrong ƀơm truh nai lơ̆m jang hơdai ASEAN nhen pơtrŭt dôm tơdrong hơdrin đơ̆ng Timor Leste jăh jing teh đak jang lơ̆m khŭl kơ ASEAN, hơtŏk loi dơ̆ng tơdrong jang đơ̆ng Khŭl jang Thư ký ASEAN ‘moi kiơ̆ rơih iŏk dôm anih tơm đei kĕ jang đơ̆ng dôm teh đak, lơ̆m noh đei Việt Nam.
Viết bình luận