Iung pơma tơ̆ hop akŏm, Thủ tướng Phạm Minh Chính pơma hơdăh, atŏk tơ iung kmăi kmŏk bán dẫn ‘noh tơdrong rơih jang kăl hloh kơ teh đak bơ̆n. Vă atŏk tơ iung hơnih jang kmăi kmŏk bán dẫn, Việt Nam kăl đei mĭnh trong jang tôm tong, pơ đĭ rim trong jang tơgŭm ăn, pơtho pơjing khul jang hơgei, tơ iung pơjing hnam kmăi kmŏk gơ̆h hơgei păng păng pơtrŭt kơtang chă tơchĕng păng atŏk tơ iung.

Găh tơdrong jang, trong jang tơm lơ̆m khei năr kơnh, Thủ tướng Teh đak pơrô̆ athei tenh koăng tơ iung pơjing, pơm pơkeh tơdrong tơchơ̆t kăl tơgŭm ăn lơ̆m pơtho pơjing khul jang iung jang kmăi kmŏk bán dẫn; tơmơ̆t jên jang ming man hơnih pơtho pơjing khul bơ̆ jang bán dẫn; pơtho pơjing ƀok thây kô pơtho păng dôm hla bơar pơtho pơhrăm trŏ lăp; đei trong atŏk tơ iung khul bơ̆ jang kmăi kmŏk bán dẫn kơtang ƀơ̆t măt păng đunh đai tai sơnăm.