Pơma đam hăm hơnăn “Tơpôl tĕch mơdro ASEAN mât hơdai, jang tŏk kơdih păng pran kơjăp: Tơgĕch iŏk tơdrong ‘lơ̆ng lơ̆m chăl kơmăy sô̆”. Tơ̆ jơ pơma đam, kơdră chĕp kơ̆l dôm anih tĕch mơdro ASEAN, kơdră chĕp kơ̆l ASEAN păng dôm teh đak jang hơdoi pơma nuh tôch tơpăt găh tơdrong ‘lơ̆ng, tơdrong nol lơ̆m tơdrong jang mŭk drăm kơmăy sô̆ đơ̆ng ASEAN; trong tưk tơiung tơdrong pơvei jang hơdoi đơ̆ng ASEAN păng dôm teh đak lơ̆m tơdrong jang atŏk tơiung mŭk drăm kơsô̆; athei pơjing anih jang mŭk drăm kơmăy sô̆ ASEAN; đei trong atŏk tơiung tĕch mơdro hăm điên tư tơ̆ ASEAN hrei ‘nâu; atŏk tơiung trong pơtruh kơmăy bán dẫn tơ̆ tơring ASEAN.

Kŭm hăm ‘nŏh dôm bơngai tang măt oei pơma nuh găh tơdrong tơmât yoa kơmăy rơgei (AI) lơ̆m tơdrong vei lăng anih tĕch mơdro păng tơlĕch trong jang hơdoi hăm dôm teh đak ASEAN; tơplih hăm kơmăy sô̆ lơ̆m tơdrong roi tơbăt; vang pơjing khul jang găh kơmăy sô̆ gơ̆h hơgei; hơmet pơ ‘lơ̆ng anih tơmât jên jang vă sơng iŏk jên jang ăn kơmăy kơmŏk ‘nao…