Pơgê năr 14/4 tơ̆ Hơnih bơ̆ jang Trung ương Đảng, Tổng Bí thư Tô Lâm pơm tơm hop akŏm mă 3 Khul kơdră chĕp pơgơ̆r Trung ương hop akŏm pơtôch jang kiơ̆ Tơdrong tơchơ̆t 18 năr 25/10/2017 kơ Khul kơdră chĕp pơgơ̆r Trung ương jăl 12 mĭnh ƀar tơdrong găh tơplih ‘nao, hơmet ming khul bơ̆ jang kơ Khul chinh trĭ kơtoei, bơ̆ jang jơnei vă pơma dơnuh, pơdrơ̆ng kiơ̆ trong pơprŏ jang kơ Hơnih chĕp pơgơ̆r găh tơdrong jang kiơ̆ hơmet ming, hơgrop jing mĭnh kơ dêh char, kơ tơring păng tơ iung pơjing khul jang chinh trĭ 2 kâp tơ̆ tơring. Pơma pơtôch hop akŏm, Tổng Bí thư Tô Lâm sơkơ̆t hơdăh, truh dang ei tơdrong jang găh pơm kơtoei khul jang chinh trĭ đei rim răih kon pơlei păng apŭng plĕnh teh lăp dôn hôn bơnê păng ‘nou jĭ trong ƀôh hơdăh vă kơ bơ̆n tơlĕch jang kơtang hloh dơ̆ng ‘măng iung jang pơm kơtoei hơnih bơ̆ jang trŏ lăp hăm trong tơlĕch ăn tơ̆ Hop akŏm Trung ương ‘măng mă 11 ou ki. Găh tơdrong jang truh ou kơnh, Tổng Bí thư pơma hơdăh, tơdrong oei jang tôch kơ lơ, tôch kơ să đơ̆ng Trung ương truh tơ̆ tơring păng đei tơdrong tơgoăt dih băl kơjăp kơ yuơ lơ loh Tổng Bí thư akhan, tơdrong iung jang hơdoi ‘noh jing tơdrong kăl hloh, găh tơdrong hơmet ming Khôi luơ̆t tơm Teh đak, tơdrong hơmet ming keh kong rim tơdrong tơchơ̆t khôi luơ̆t, jang keh đang rim tơdrong tơchơ̆t đơ̆ng Đảng kăl iung jang hơdrol vă pơjing đei tơdrong trŏ lăp kơjăp ‘lơ̆ng ăn pơgơ̆r jang kiơ̆ ‘lơ̆ng hơ iă păng jơnei.