Tơdrong Đon hlôh vao đơ̆ng sơ̆ găh sâm Ngọc Linh tơ̆ 2 apŭng Tu Mơ Rông păng Đăk Glei, dêh char Kon Tum đei drơ̆ng ăn ‘noh jĭ tơmam kăp gĭt kơ teh đak ưh khan lăp chơt hơiă hăm kon pơlei kơ dôm hơdrĕch kôn kông tơ̆ Kon Tum mă oei jing hơyak năm gĭt kăl lơ̆m tơdrong jang vei răk păng hơtŏk tơiung tơring sâm Ngọc Linh.

‘Nâu jĭ tơdrong ‘lơ̆ng vă tơring tơgŭm hơdrol kon jên jang, tơdrong jang tơgŭm lơ̆m tơdrong jang vei răk păng tơƀăk mong dôm kơjă kăp gĭt tơklep hăm ‘long sâm. Hơdai hăm ‘noh, hơnăn âu tơgŭm hơtŏk kơjă kăp gĭt đơ̆ng sâm Ngọc Linh ưh khan lăp jing pơgang hla ‘long gĭt mă oei jing tơmam ‘lơ̆ng so, pơm đei kơjă mŭk drăm păng tơdrong ‘lơ̆ng hơiă hơdrô̆ ăn kơ tơring.