VOV4.Bahnar - Gơmăng brei (17/11), Lêh Hokkaido - mĭnh lơ̆m dôm tơdrong jang lơ̆m tơbăt 50 sơnăm pơjing tơdrong pơvei jang tơbôl Việt Nam - Nhật Bản hlôi pơgơ̆r tơ̆ pơlei tơm Hạ Long, dêh char Quảng Ninh. 

VOV4.Bahnar - Pơgê năr 17/11, tơ̆ thong đak kroong Pôkô, Hơnih vei lăng kon pơlei apŭng Ia Grai, dêh char Gia Lai hlôi pơgơ̆r Pơlong hao thŏng nan păng pơting tôn chĭng chêng.

VOV4.Bahnar - Mĭnh giĕng dơ̆ng, tơ̆ pơlei tơm Đà Lạt gô pơtơm pơgơ̆r pơlong phim Việt Nam ‘măng mă 23. Dêh char Lâm Đồng lăng ‘nâu jĭ tơdrong jang gĭt kăl, jĭ ‘măng vă tơring roi tơƀôh um rup, tơmam ‘lơ̆ng, tơdrong pran đơ̆ng kơdih truh hăm tơmoi tơmang lăng.

VOV4.Bahnar - Tơmang pơ hiơ̆ choh jang sa ‘nŏh trong jang tơmang pơhiơ̆ gĭt kăl kơ Đà Lạt – Lâm Đồng tŏk bŏk hơvơn lơ tơmoi năm truh tơmang lăng.

VOV4.Bahnar - Hơtuch giĕng âu ki, tơ̆ cham xă Đại Đoàn kết, pơlei tih Pleiku, “Festival Ching chêng Gia Lai 2023” đei pơih pơgơ̆r.

VOV4.Bahnar - Tơdrong thi phim hơiă kơ Việt Nam ‘măng mă 23 đei 177 phim vang thi, jing kơsô̆ phim vang thi lơ hlŏh đơ̆ng sơ̆ truh dang ei.

VOV4.Bahnar – Yă H’Dĭ Ktŭl (bơngai Êđê, đe oei krao Aduôn Phát), 65 sơnăm, oei tơ̆ pơlei Drai Hling, xah Hòa Xuân, pơlei tơm Buôn Ma Thuột, dêh char Dak Lak jing minh lơ̆m dôm ngê̆ nhơ̆n tanh brai. Yă kloh klĕch dôm tơdrong kăl dui brai vai khăn juăt jue kơ bơngai Êđê đơ̆ng sơ̆ ki. Yă ưh kơ băt tôm kơdih po tanh đei dôm blah khăn pŭ hơ-‘lơ̆p, hơbăn ao tanh, tơpen ăn rim bơngai, mă lei đei minh tơdrong yă hơnơ̆ng hơpơi ‘meh pơtho ăn kon mon kon sâu băt.

VOV4.Bahnar - Gơmăng hei (10/11), Anih vei lăng kon pơlei apŭng Chư Păh (dêh char Gia Lai) pơih pơgơ̆r Giĕng lêh pơkao dur yoăn-kông unh Chư Đăng Ya sơnăm 2023 tơ̆ cham rông plei Ia Gri (xăh Chư Đăng Ya, apŭng Chư Păh). 

VOV4.Bahnar - Giĕng jŏh ayŏ kơ dŏ xoang – Chă tơmang lăng Gia Lai 2023 pơgơ̆r đơ̆ng ‘Năr 11 truh 18/11/2023. Khei ‘năr âu ki, tơdrong hơmet ăn tơdrong ‘nâu đei bơ̆ jang tôch ai. Giĕng jŏh ayŏ kơ dŏ xoang, chă tơmang lăng kơ dêh char sơnăm ‘nâu đei pơgơ̆r tih, ‘lơ̆ng hơiă, hăm lơ tơdrong jŏh ayŏ kơ dŏ xoang, tơplŏng kơdâu tôch hơiă tơ̆ tơring groi kông Gia Lai, ưh jor gô sơng đei lơ tơmoi chă tơmang lăng truh.

VOV4.Bahnar - Kơsơ̆ ‘năr 5/11, Năr jŏh ayŏ kơ dŏ xoang dôm hơdrĕch kon kông đei kơsô̆ măt bơngai tam mă truh 10.000 ‘nu bơngai ‘măng mă I păng Giĕng chăng tơmang lăng – Jŏh ayŏ kơ dŏ xoang Lai Châu sơnăm 2023 hlôi tôch.