Kiơ̆ Anih jang Joh ayŏ, Tơplŏng kơdâu păng Tơmang pơhiơ̆ Đak Lăk, lơ̆m ‘măng pơdơh lêh Kuôk khanh sơnăm âu, dôm anih tơmang lăng tơ̆ dêh char sơng pơhlom 130.000 ‘nu tơmoi, lơ̆m noh đei pơhlom 2.500 tơmoi đơ̆ng teh đak đe. Kơsô̆ tơmoi oei pơdơh pơdei đei 75.000 ‘nu, kơsô̆ lăm oei đei yua pơhlom 70%. Jên jang đei yua đơ̆ng dôm năr pơdơh lêh noh pơhlom 85 tih hlj.

Pơđĭ tơmoi truh tơmang păng oei pơdơh păng tơmoi đơ̆ng teh đak đe truh dêh char sơnăm âu tŏk lơ hloh 2 - 3 ‘măng pơtêng hăm khei năr âu sơnăm 2023. Yă Nguyễn Thụy Phương Hiếu, Phŏ Kơdră Anih jang Joh ayŏ, Tơplŏng kơdâu păng Tơmang pơhiơ̆ Đak Lăk ăn tơbăt, lơ̆m dôm năr pơdơh lêh Kuôk khanh sơnăm âu tơ̆ dêh char pơgơ̆r lơ tơdrong joh ayŏ, tơmang pơhiơ̆. Đơ̆ng dôm tơdrong jang âu, Đak Lăk hlôi pơjing đei um rŭp tơguăt ‘lơ̆ng, hơvơn lơ tơmoi truh tơmang.